الله سبحان و تعالىٰ ގެ މަގުގައި ހަނގުރާމަކޮއް ޝަހީދުވާ ބޭކަލުންނަށްވަނީ ސުވަރުގޭގައި އެތައް ނިއުމަތްތަކެއް ލިބޭނެކަން އަންގަވާފައެވެ. މިކަންވަނީ ކީރިތި القرآن ގައި ވެސް ބަޔާންކުރެވިފައެވެ. އެ ނިއުމަތްތައް ލިބިގަތުމަށް ފެންބޮވައިގަނެ ހަށިން ހިތްވަރުލާ ނުކުމެ މި ދުނިޔާ އެތައް އަޙުންނެއްވަނީ އަލްވަދާއު ކިޔާފައެވެ. الله سبحان و تعالىٰ އެބޭކަލުންނަށް ބަރަކާތްލައްވާށެވެ.
ދުވަސްވަރަކީ އިރާގްއަށް އެމެރިކާގެ ލަޝްކަރުތައް އަރައިގަނެ މުޅި އެގައުމު ސުންނާފަތި ކުރަމުން ދިޔަ ދުވަސްވަރެވެ. އެތައް ބަޔަކު ޝަހީދުކުރަމުން އަންހެނުން އިފައިތް ފޭރެމުން އައި މި ބައިގަނޑު އިރާގްގެ މައި އަވަށަށް ވަދެގަންނަންވަނީ މަސައްކަތްފަށާފައެވެ. އެމީހުންގެ ޒަމާނީ ހަތިޔާރާއެކު ވަރުގަދައަށް ހަމަލާދަނީ މެދުނުކެނޑިދެމުންނެވެ.
އުމުރުން އެންމެ ބާރަ އަހަރުގެ އަފްޝާން ދިޔައީ އެމަންޒަރުތައް އޭނާ ދިރިއުޅޭ ގޭގެ އެންމެ މަތިން ބަލަމުންނެވެ. އޭނާއަކީ ހަނގުރާމަވެރިއެއްކަމަށް ހީކޮއް އޭނާއަށް ހަމަލާއެއް އަރާފާނެކަމަށް އޭނާ އެއްވެސް ގޮތަކަށް ޖެހިލުން ނުވެއެވެ. ސަބަބަކީ އޭނާގެ އާއިލާއަކީ الله سبحان و تعالىٰ އަށްޓަކައި ހަނގުރާމަ ކުރަމުންދާ އާއިލާއަކަށްވާތީއެވެ. އަފްޝާންގެ ބައްޕައަކީ އިރާގްގެ ސިފައިންގެ މީހެކެވެ. ސިފައިންގެ މަތީ ވަނަތައް ހާސިލްކޮއް ކޮމާންޑަރެއްގެ މަގާމް ލިބިފައިވާ މީހެކެވެ. އަފްޝާން ނަސީބު ރަނގަޅު ކަމުން އޭނާގެ ބައްޕައާ އިތުރު ސިފައިން ތިބެނީ ގެއާ މާ ދުރުނޫން ހިސާބެއްގައި ހަދާފައިވާ މަރުކަޒެއްގައެވެ. އެއީ އިރާގްގެ ހަތަރުވަނަ މައިދޮރު ދިފާއުކުރުމަށްޓަކައި ގާއިމްކޮއްފައިވާ ހާއްސަ ފައުޖުތައް ތިބޭތަނެވެ. އެމެރިކާގެ ފައުޖުތަކަށް ހަމައެކަނި ހުރަހަކަށް ވެފައިވަނީ މި ހާއްސަ ފައުޖުތަކެވެ. އެމީހުންގެ ހަނގުރާމައިގެ އުކުޅުތައް އެހާމެ ފުރިހަމައެވެ. ދުވާލެއްގެ މައްޗަށް އެތައް އެމެރިކާ ސިފައިންނެއް މަރާލައެވެ. އެމެރިކާ މީހުން އެމީހުން ފާހަގަކޮއްފައިވަނީ އަރައިގެން އަންނަ ބިރުވެރިކަމެއްގޮތުގައެވެ.
އެއްދުވަހެއްގެ ހެނދުނެވެ. އަފްޝާން ދިޔައީ އޭނާގެ ބައްޕައަށް ކާތަކެތި ހިފައިގެނެވެ. ބައްޕަ ހުރީ މަރުކަޒު ދޮރުމައްޗަށް ނުކުމެ އޭނާގެ ލޯބިވާ ދަރިފުޅު އަންނަތަން ބަލާށެވެ. ކުއްލިއަކަށް މައިދޮރުގައި ގާއިމްކޮއްފައިވާ ބަންކަރަކަށް ހަމަލާއެއް އެރިއެވެ. އަފްޝާންގެ ބައްޕަ އަފްޝާން ކައިރި މަޑުކުރުމަށް އަތުން އިޝާރާތްކޮއް ހަމަލާ އައި ދިމާލަށް ކުޑަ ފައުޖެއް ގޮވައިގެން ހަތިޔާރުއެޅި އުޅަނދެއްގައި ނައްޓާލިއެވެ. ދުރުގައި މަންޒަރުބަލަން ހުރި އަފްޝާންއަށް ފެނިގެން ދިޔައީ އޭނާ ބައްޕަ ދަތުރުކުރަމުން ދިޔަ އުޅަނދަށް ހަމަލާއެއް އެރިތަނެވެ. ބަލާކަށް ނުހުރެ ގައިގާ ހުރި ބާރެއްލާފައި އަފްޝާން އެދިމާލަށް ދުއްވައިގަތެވެ. އަނދަމުންދާ އުޅަނދުގެ ދަށުވެފައިވާ އޭނާގެ ބައްޕަ ސަލާމަތްކުރުމަށްށެވެ. އުޅަނދާ އަރާ ހަމަވިތަނާހެން މައި ގޭޓުގެ ދޮރު ކުރިމަތީ އަޅާފައިވާ ތޫނު ނަރު ރޯލުތައް ފޫއަޅުވާމުން އެމެރިކާގެ ޓޭންކަރެއް ވަނީ މައިދޮރުން ވަންނަން މަސައްކަތް ފަށާފައެވެ. އެމަންޒަރު އަފްޝާންއަށް ފެނުމާއެކު އޭނާގެ ބައްޕަ ދަށުވެފައިވާ އުޅަނދުކައިރީގައި އޮތް ރޮކެޓް ބަޑިއެއްނަގާ ޓޭންކަރަށް ހަމަލާދީ ގޮއްވާލިއެވެ. އަދި އިތުރު ސިފައިން އަންނަންދެން އެސަރަހައްދު އޭނާ ކުޅަދާނަކަމާއެކު އޭނާގެ ނިޔާވަމުންދިޔަ ބައްޕަޔާއެކު ބެލެހެއްޓިއެވެ. ބައްޕަ ނިޔާވަމުން ކުރީ ވަރުގަދަ ވަސިއްޔަތެކެވެ. ފަހު ނޭވާއާ ޖެހެންދެން ކާފަރުންގެ ލަޝްކަރުތަކާ ހަނގުރާމަ ކުރުމަށްށެވެ.
އަފްޝާންގެ ބައްޕަ ނިޔާވި ދުވަހުން ފަށައިގެން އޭނާ ހަތިޔާރު ގެންގުޅެން ދަސްކުރިއެވެ. އަދި ސިފައިންނާއެކު އުޅެ އެކި އުކުޅުތައް ދަސްކުރިއެވެ. ދޭތެރެ ދޭތެރޭން މައިދޮރުން ބޭރަށް ނުކުމެ އަމިއްލައަށް ދުޝްމަނުންގެ ހަރަކާތްތައް ބަލާލައެވެ. އަދި ބައެއްފަހަރު ދުޝްމަނުންގެ މަރުކަޒުތަކަށް ވަދެ މައުލޫމާތު ހޯދައިގެން އާދެއެވެ. އަފްޝާންގެ ކުޅަދާނަކަން ފާހަގަ ކުރެވި އޭނާއާ އެކު ހަނގުރާމައަށް އެތައް ރަޔިތުންނެއް ހަތިޔާރާއެކު މައިދޮރު ދިފާއު ކުރުމަށް ކޮންމެ ދުވަހަކު ޖަމާވެއެވެ. މިކަމާ ސިފައިންގެ މަރުކަޒުން ވަރަށް ތައުރީފް ލިބުނެވެ. ނަމަވެސް ގިނަ ދުވަސްތަކެއްނުވެ ލިބުނީ ހައިރާން ކުރުވާފަދަ ޙަބަރެކެވެ. މަރުކަޒުގައި ތިބި ހުރިހާ ހާއްސަ ފައުޖުތައް ފަހަތަށް ޖެހި އިރާގުގެ މައި އަވަށުގެ އެންމެ އެތެރެއަށް ޖެހުމަށް އަމުރު އައި ޙަބަރެވެ. މިކަމާ އަފްޝާން ކަންބޮޑެއްނުވިއެވެ. އޭނާއާ އެކު ތިބި ބަޔަކަށް އޭނާ ދިޔައީ ހިތްވަރުލާދެމުންނެވެ. ސުވަރުގޭގެ އުފާވެރި ޙަބަރާ ނިއުމަތްތަކުގެ ވާހަކަތައް އޭނާ ދިޔައީ އެމީހުންނަށް ކިޔާދެމުންނެވެ. މަރުކަޒުގައި ތިބި ފައުޖުތައް ފަހަތަށް ޖެހުމުގެ ކުރިން އަފްޝާންއާ އޭނާގެ ހަނގުރާމަވެރިންނަށް ސިފައިން ދިޔައީ ހަތިޔާރުއެޅި އުޅަނދުތަކާ އެކިބާވަތުގެ ތަކެތި ހަދިޔާކޮއްފައެވެ. އަދި އަލްވަދާއުކިޔާ އެކަކު އަނެކަކާ ސަލާމްކޮއް ހިތްވަރުކުރުމަށް ނަސޭހަތްތެރިވިއެވެ.
ހާއްސަ ފައުޖުތައް ދިޔުމުން އަފްޝާންގެ ރޭވުންތެރިކަމާއެކު މައިދޮރު ދިފާއިކުރުމުގެ މަސައްކަތް ފެށިގެން ދިޔައެވެ. ފުލު ފުލުން އައި ޓޭންކަރު ހަމަލާތަކުން ހީވަނީ މައިދޮރު ވައްޓާލަފާނެހެނެވެ. ނަމަވެސް ހިތްވަރުގަދަ އަފްޝާން ދިޔައީ އެންމެ ތަންފުކެއްވެސް ދޫނުކުރުމަށް ގޮވަމުންނެވެ. މައިދޮރު ކުރިމަތީ ޙަންދަގު ކޮނެގެން ތިބި މުޖާހިދުންގެ ވަރުގަދަ ހަމަލާތަކުން ދުޝްމަނުން ސިއްސުވާލުމުން އެމީހުން ފަހަތަށްޖެހި ދުވެ ފިލިއެވެ. މިގޮތުގައި ދިހަ ދުވަސް ހިފާއްޓާލިއެވެ. ނަމަވެސް ކޮންމެ ދުވަހެއްގެ ހަނގުރާމަ ނިމެނީ އެތައް ޝަހީދުންގެ ލެއިން ގުރުބާންވެގެންނެވެ. ދިހަވަނަ ދުވަހު ހަނގުރާމަ މެދުކަނޑަލައި ލަޝްކަރުގެ ބާކީ ގުނާލުމުގައި އަފްޝާން އަވަދިނެތި އުޅުނެވެ. ގުނާ ނިމުނުއިރު އޭނާގެ ލަޝްކަރުގައި ތިބީ އެންމެ ދުއިސައްތަ މީހުންނެވެ. އޭގެ ތެރެއިން ގިނަ މީހުންވަނީ ޒަޙަމްވެފައެވެ. އަފްޝާންގެ ހާލުވެސް ވަކި ރަނގަޅެއްނޫނެވެ. އޭނާގެ ހަށިގަނޑުގައިވެސް އެހާ ޒަޙަމް ގިނައެވެ. އަފްޝާންގެ ލަޝްކަރު މައިދޮރު ކައިރީ ހަދާފައިވާ އިމާރާތަކަށްވަދެ އަންނަން އޮތް ހަމަލާތަކަށް ތައްޔާރުވިއެވެ.
އެމެރިކާގެ ލަޝްކަރުތައް އައިސް ހަމަލާތައް ފަށައިގަތެވެ. ހުރިހާ މުޖާހިދުން އެއްފަހަރާ ހަރުއަޑުން ތަކުބީރު ކިޔާ ރައްދުދޭންފެށިއެވެ. އަފްޝާންވެސް ދިޔައީ ފޯރިއާއެކު ހަމާލާދެމުންނެވެ. އެކި ބާވަތުގެ ހަތިޔާރުން އޭނާ ދިޔައީ ކާފަރުންނަށް ގެއްލުންދެމުންނެވެ. މިގޮތުގައި ވަގުތުތައް ހޭދަވެ އެންމެން އަތުން ވަޒަން ހުސްވާން ކައިރިވުމުން އަފްޝާންއާ މުޖާހިދުންކޮޅެއް އިމާރާތް ދޫކޮއް ނުކުމެ ހަނގުރާމައިގެ މައިދާނުން ހޮވުނު އެއްޗެއް ހޮވައިގެން ވަންނަން ދުއްވައިގަތެވެ. ނަމަވެސް އިމާރާތާ އަރާ ހަމަވުމުގެ ކުރިން ވައިގެ މަގުން އައި ހަމަލާއަކުން މުޅި އިމާރާތް ފުންޑާލިއެވެ. މުޅި އިމާރާތުގައި ތިބި އެންމެން ޝަހީދުވިއެވެ. އަފްޝާންއާ އޭނާގެ މަދު ބައިވެރިންކޮޅު މައިދޮރު ކުރިމަތީ ބަހައްޓާފައި ހުރި ބަސްތާތަށް ފުރަގަހަށްވަދެ ހަމަލާ ދޭންފެށިއެވެ. ނަމަވެސް އަމާޒަށް ބަޑިޖަހާ ކާފަރުންގެ ޝިކާރައަކަށް އެމީހުންވެއްޖެއެވެ. ފަހަރަކު މީހަކު ޝަހީދުވަމުންގޮސް އަފްޝާން އެކަނިވެއްޖެއެވެ. ގައިގާ ހުރި ހިތްވަރެއްލާފައި މެޝިނުބަޑިއެއް ހިފައިން ތެދުވެ ދުވަމުން އައި ކާފަރުންގެ ފަންސާސް މީހުން މަރާލިތަނާހެން އަފްޝާން ގަޔަށް އެތައް ވަޒަނެއް އަރާ އެމުޖާހިދު ޝާހިދުވެގެން ވެއްޓި މައިދޮރުގައި ލެނގިފައި އިނެވެ. އެންމެ ފަހުނޭވާއާ ޖެހެންދެންވެސް އޭނާދެއްކީ ހިތްވަރެވެ. މިއަދު އޭނާގެ މޫނުމަތީގައި ވަނީ ހިނިތުންވުމެވެ.
