ތިބާ އިސްލާމްދީނަށް ފުރައްސާރަކޮށް އެ ދީނަށް ފުރަގަސްދީ ތިޔަހެދީ ތިބާއަށް ކާކު ނަސްރުދޭނެކަމަށްހެއްޔެވެ. ބަޔެއްގެ ބަހަށް ހެއްލި އެންމެ އަގުހުރި މާތްވެގެންވާ ހުރިހާ ނިއުމަތެއް ލިބިގެންވާ ދީން ދޫކޮށްލުމަކީ މިދުނިޔެމަތީ ތިބާ ކުރާނެ އެންމެ މޮޔަކަމެވެ. ތިބާގެ މަރު އައުމުގެ ކުރިން ދެންވެސް ތައުބާވާށެވެ. އަޖަލުގެ ވަގުތަކީ ތިބާއަށް އެނގޭނެ އެއްޗެއްނޫނެވެ. އެކަން އެންމެ މޮޅަށް ދެނެވޮޑިގެންވަނީ މާތް ﷲ އެވެ.
މުހުސިންއަކީ ނިކަމެތި އާއިލާއަކަށް ނިސްބަތްވާ ޒުވާނެކެވެ. ހެޔޮލަފާ މަޔަކާ ބަފަޔެއްގެ ހުރި ހަމައެކަނި ދަރިފުޅެވެ. މުހުސިންއަކީ ގަވައިދުން ނަމާދުވެސް ކުރާ ޒުވާނެކެވެ. ބަންގި ގޮވުމުން ވަގުތައް ނަމާދަށް ދެއެވެ. މުހުސިންގެ ހުވަފެނަކީ ކިޔަވާން މޮޅުމީހަކަށްވެ މައިން ބަފައިން ހައްޖަށް ފޮނުވުމެވެ. މުހުސިން ކިޔަވަމުންދަނީ ޑިޕްލޮމާއެވެ. ބައެއް ފަހަރު ގައުމުން ބޭރަށްވެސް ކިޔެވުމުގެ ކަންތަކުގަދާންޖެއެވެ. މިހެން އުޅުމުގެ ތެރޭގަ ދިޔަ ދަތުރެއްގާ އާ ރަހްމަތްތެރިންތަކެއް ލިބިގެންދިޔައެވެ. ދެ ފިރިހެނުންނާ އަންހެނެކެވެ. އެމީހުން އަބަދުވެސް މުހުސިން ގާތްކޮށްގެން ގެންގުޅެއެވެ. ނަމަވެސް މުހުސިންއަށް އެމީހުން ކަމަކުނުދެއެވެ. ސަބަބަކީ ބޭކާރު ވާހަކަ ދައްކާތީއެވެ. އަބަދުވެސް މަޖަލުގާ ވަގުތުތައް އިސްރާފްކުރާތީއެވެ. މިހެން އުޅުމުގެ ތެރޭގަ މުހުސިންގެ ހިތަށް މަޑުމަޑުން ޝައިތާނާ ވަސްވާސްދޭންފަށާފިޔެވެ. އެއްކަލަ ރަހްމަތްތެރިންނާއެކު އުޅޭ ވަގުތުތައް ކުއްލިޔަކަށް މުހިންމުވާން ފައްޓާފިޔެވެ. އެމީހުން ގުޅާލާފިނަމަ ހުރިހާ ކަމެއް ބަހައްޓާފަ އެމީހުން ކައިރިޔަށްދެއެވެ. އެންމެ ފަހަށް އަލަށް ސިނގިރޭޓްގެ ރަހަވެސް ބަލާފިޔެވެ. އަންހެން ރަހްމަތްތެރިޔާއާ ގާތްވީވީނުންގޮސް އޭނާއާ އެކު އެކަނި ލިބުނު ފުރުސަތެއްގާ ޒިނޭވެސްކޮށްފިޔެވެ. އެމީހުންނާއެކު ބާތަކަށްވެސް ދާންފެއްޓިޔެވެ. ފާހިޝް އަތްތައް ހަށިގަނޑުގާ އުގުޅޭލެއް ގިނަވެގެންދިޔައެވެ. ދުނިޔެއަށް ބަރޯސާވާންފެއްޓިޔެވެ.
އެއްދުވަހެއްގާ ރަހްމަތްތެރިންނާއެކު މުހުސިން ކެސީނޯއަކަށްދިޔައެވެ. އެތަނަށް ފައިސާ ހަރަދުކޮށް ޖުވާކުޅެމުންދަނިކޮށް ކުއްލި މުއްސަނދިކަމެއްލިބި އެކަމަށް ދެވިހިފިޔެވެ. އެންމެ ފަހަށް ރާވެސްވީ ވަރަށް ގާތް އެއްޗަކަށްށެވެ. ހައްދުފަހަނަ އަޅާ ދިޔައީ ވަކިވަރަކަށްނޫނެވެ. ރަހްމަތްތެރިން މުހިންމުވެ މައިންބަފައިން ދޫކޮށްލުމަށްފަހު ބޭރު ގައުމުގާ ދިރިއުޅެންފެށިޔެވެ. މައިން ބަފައިންނަކީ ނެތް ބަޔަކަށްހެދިޔެވެ. މިޔުޒިކާ ޕާޓީ ކުރުން މުހިންމުވިޔެވެ. އެންމެ ފަހަށް މިހެން އުޅެމުން ރަހްމަތްތެރިން އޭނާ ކްރިސްޓިއަނުންގެ ފައްޅިއަކަށް ކޮންމެ ދުވަހަކު ގެންގޮސް އެމީހުންގެ ދީން އުނގަންނާދޭންފެށިޔެވެ. މާކަށް ގިނަދުވަހެއްނުވެ އެންމެ މާތްވެގެންވާ އިސްލާމްދީންވެސް ދޫކޮށްލާފިޔެވެ. އެންމެ ފަހަށް ކްރިސްޓިއަން މިޝަނަރީއަކަށްވެސް ވެއްޖެއެވެ. އަދި މީސްމީޑިޔާގާ އިސްލާމްދީންއަށް ފުރައްސާރަކޮށް ލިޔުންތައް ލިޔެ ވީޑިޔޯހަދަންފެށިޔެވެ. ޔަހޫދީންނާ ނަސޯރާއިންގެ ހިމާޔަތުގާ ހުރެގެންނެވެ. ބިރެއް ފިކުރެއްނެތިޔެވެ.
ދުވަސްތައް ފާއިތުވެގެންގޮސް މުހުސިންގެ ރަހްމަތްތެރިންނަށްވެސް އޭނާ އޮބިނޯވެގެން އެމީހުން އޭނާ ދޫކޮށްލިޔެވެ. މުހުސިން ދިރިއުޅޭ ސަރަހައްދުގެ މީހުންނަށްވެސް އޭނާ ވެފާވަނީ ބޮޑު އުނދަގުލަކަށްށެވެ. އެންމެ ފަހަށް ފުލުހަށް އެތައް ފަހަރަކު ގެންދެވުނެވެ. އޭނާގެ ސަބަބުން ގައުމަށް ނުރައްކާވެދާނެތީޔޭ ކިޔާފަ އެތައް ނަސޭހަތެއް ދިނެވެ. ނަމަވެސް މައިތިރި ނުވުމުން އެންމެ ފަހަށް ޖަލަށްލެވުނެވެ. ޖަލުގާވެސް މުހުސިން މައިތިރި ނުވުމުން ސުޕާ މެކްސް ޕްރިޒަންއަކަށް ގެންދެވުނެވެ. އެތަނުގާ އެތައް ކަމަކާ މުހުސިން ކުރިމަތިލާން ޖެހުނެވެ. ލިވާތުގެ ޝިކާރަޔާ އަނިޔާވެރިންގެ ހަމަލާތަކެވެ. ނަމަވެސް މުހުސިންވެސް އެންމެ ތަންފުކެއްވެސް ދޫނުކުރިޔެވެ. އެންމެ ފަހަށް މުހުސިން ބަހައްޓަން މަޖުބޫރުވީ އައިސޮލޭޝަންގައެވެ. އެއީ ފާހާނަ ތައްޓަކާއެކު އިންނަ ހަފޫޓް ހަފޫޓް ގޮޅިޔެކެވެ. އެތަނުގާ މުހުސިން އިން އިރުގާ އޭނާއަށް ޖެހިގެން އިން ބައިން ފާރުގެ އަނެއް ފަރާތުން މީހަކު އަބަދުވެސް ގުރުއާން ކިޔަވާއަޑުއިވުނެވެ. މިކަމުގެ ސަބަބުން މުހުސިންއަށް އެއްޗެއް ވިސްނެންފެށިޔެވެ. ހުރިހާ އެންމެ އޭނާ އެއްލާލިއިރުވެސް އޭނާއަށް އޯގާތެރިވާ ފަރާތެއްވާކަމެވެ.
ކޮންމެ ދުވަހަކުވެސް މުހުސިން ދިޔައީ ގުރުއާން ކިޔަވާއަޑު އަހަމުންނެވެ. އޭނާގެ ހިތަށް އެކަމުން ހިތްހަމަޖެހުންލިބެއެވެ. ނަމަވެސް އިތުރު އެއްޗެއް މަދުވާކަން އޭނާއަށް ވިސްނެންފެށިޔެވެ. އެއީ ހިތުގެ އެންމެ ބޮޑު ހިތްހަމަ ޖެހުން ކަމުގާވާ ނަމާދެވެ. ދުވަސްކޮޅަކުން އައިސޮލޭޝަން އިން ނެރުމާއެކު އެންމެ ފުރުތަމަވެސް މުހުސިން ކުރިކަމަކީ ޝުކުރުގެ ސަޖިދަޖެހުމެވެ. އަދި ވަގުތުން ޝަހާދަތްކިޔާ ވަރުގަދަ ތައުބާއަކުން ތައުބާވާން ހިތުން ނިޔަތްގަތެވެ. އެއަށްފަހު އުޅުން ރަނގަޅުކޮށް އިސްލާމްދީނުން އޭނާއަށް ލިބިފާވާ އިލްމް މީހުންނަށް އުނގަނާދޭންފެށިޔެވެ. އެއް އަހަރަށްފަހު މުހުސިންގެ އުޅުން ރަނގަޅުކަމުން މިނިވަންވެއްޖެއެވެ. ވަގުތުން މައިންބަފައިން ކައިރިޔަށްގޮސް މައާފްއަށް އެދުނެވެ. އަދި ކަންވީ ގޮތް ކިޔާދިނެވެ. އެޔަށްފަހު ވަރުގަދަ އަޒުމަކާއެކު ބުރަ މަސައްކަތްކޮށްގެން ރެޔާ ދުވާލު އެއްކުރި ފައިސާއިން ތިން އަހަރުތެރޭ މައިންބަފައިން ހައްޖަށް ފޮނުވިޔެވެ.
- ނިމުނީ -
ލޮބުވެތި އަހުންނާ އުޙްތުންނޭވެ. ނިކަން މާތް ﷲ ގެ ކުޅަދުންވަންތަކަން ދެކިބަލާށެވެ. ތިބާ ކިތަންމެ ދަތިހާލެއްގާ ވިޔަސް އެކަލާނގެ ތިބާ ދުވަހަކުވެސް ދޫނުކުރާނެއެވެ. ތައުބާގެ ދޮރުވަނީ ހުޅުވިފައެވެ. އަވަހަށް ތައުބާވާށެވެ. ސަލާމަތްއޮތީ އިސްލާމްދީންގައެވެ.
No comments:
Post a Comment