އަޅުގަނޑުމެންގެ މުޖްތަމައުގާ އާދަޔާހިލާފަށް ބަލި މީހުންވަނީ ގިނަވެފައެވެ. މިފަދަ ބަލިމީހުންގެ ތެރެއިން އެންމެ ގިނައީ ކިޑްނީ ފެއިލްވެފާވާ މީހުންނެވެ. އެމީހުންގެ ހާލަތު އެންމެ ރަނގަޅަށްވެސް އެނގޭނީ އެމީހުންނަށްށެވެ. ކޮންމެ ދުވަހަކު ހަދާ ޑަޔަލަސިސްއިން އެމީހުން ގައިގާ އަޅާ ވޭން ތިބާއަކަށް އިހުސާސްއެއްނުވާނެވެ. އެމީހުންގެ އާދޭސްތަކުގެ އަޑު އަހަނީ މަދުބަޔެކެވެ. އެހީވަނީ މަދުބަޔެކެވެ. ދެރަކަމަކީ މިއަދު ގިނަ މީހުން އެފަދަ މީހުންގެ ފަރާތުން އުޅެނީ ނާޖާއިޒް ފައިދާ ނަގާށެވެ. އެހީގެ ނަމުގާ އަންނަނީ ނުބައި ނިޔަތުގައެވެ.
މޫސައަކީ ޒުވާނެކެވެ. ކުޅިވަރާ އެނޫންވެސް އެހެނިހެން ކަންތައްތަކުގާ ޝާމިލްވެ އުޅޭ މީހެކެވެ. މޫސައަކީ ހަށިގަނޑު ރީތި ފިޓްކޮށް ހުންނަ މީހެކެވެ. ޒުވާން އެތައް އަންހެން ކުދިންނެއް އެ ހަށިގަނޑަށް ހިތްވެސް ކިޔައެވެ. މޫސަގެ އެކުވެރިންނަކީ އޭނާގެ އެންމެ އިސް މީހުންނެވެ. އެމީހުން ކޮންމެ ކަމަކު ބުންޏަސް މޫސަ އެކަމެއް ކޮށްދޭނެއެވެ. މޫސަގެ ހުންނަނީ އެންމެ ނުބައި އާދައެކެވެ. އެއީ ކަޅު ކޮފީއާ ސިނގިރެޓެވެ. ދުވާލަކަށް ފޮއްޓެއް ހުސްކޮށްލާ ތިން ހަތަރު ކަޅު ކޮފީ ބޯލާން ނޫނީއްޔާ ހިތްހަމަވެސް ނުޖެހެއެވެ. މި އާދަ އޭނާ ހުއްޓާލުމަށް ވަރަށް ގިނަ މީހުން ނަސޭހަތްދިނެވެެ. ނަމަވެސް މޫސަ އަޑެއް ނާހައެވެ. އެންމެ ފަހަށް ދެން ފެށީ ވަޒީފާއަށް ދަމުން ދުވާލު ރެޑްބުލްއެއް ބޯލުމެވެ. އެއީވެސް ސިނގިރެޓަކާއެކުގައެވެ.
އެއްދުވަހަކު މޫސަ އޮފީހުގާ އިނދެފާ ފާހާނާއަށް ގޮސްލިގަޑީ ކުޑަކަމުދިޔައިރު ލޭ އަންނަތަން އޭނާއަށް ފެނިއްޖެއެވެ. މިއީ އަދި ފުރުތަމަ ފަހަރުކަމުން އޭނާ އަޅާނުލިޔެވެ. ނަމަވެސް ގެޔަށް ދިޔުމަށްފަހުވެސް މިކަން ފެންނާތީ ހާސްވާންފެށިޔެެވެ. އެންމެ ފަހަށް ޑޮކްޓަރަށްވެސް ދައްކާފިޔެވެ. ޑޮކްޓަރު އެނގީ ކިޑްނީ ޓެސްޓްއެއް ހަދާލުމަށްށެވެ. ކިޑްނީ ޓެސްޓް ހެދިއިރު މޫސަގެ ދެ ކިޑްނީވަނީ ފެހިލްވެފައެވެ. އެހެންކަމުން ހަޔާތުގާ އެންމެ ފުރުތަމަ ފަހަރަށް ޑަޔަލަސިސް މެޝިނަށް މޫސަ ލެވިއްޖެއެވެ. ލައްކަ ވޭން ތަހަންމަލް ކުރުމަށްފަހު އެކަން ނިމިއްޖެއެވެ. މީހާ ހުރީ މުޅިން ވަރުބަލިވެފައެވެ. ހޮސްޕިޓަލުން ނުކުމެ ކާރެއް ނަގާގެން މޫސަ ގެޔަށް ދިޔައެވެ. އެންމެ ފަހަށް އާއިލާ މީހުންނަށް މި ހަބަރު ދިނެވެ. މުޅި އާއިލާ ދިޔައީ ފުން ހިތާމައަކަށްށެވެ. އަދި ކިޑްނީއެއް ހޯދުމަށް ވައުދުވެ މޫސައަށް އެހީވާންފެށިޔެވެ.
ދުވަސްތައް ފާއިތުވެގެންގޮސް އާއިލާ މީހުން މޫސައާމެދު އުންމީދު ކަނޑާލަންފެށިޔެވެ. ކިޑްނީއެއް ހޯދަން މަސައްކަތް ކޮށްކޮށް އެމީހުން ވަރުބަލިވެއްޖެއެވެ. އަންނަ ކޮންމެ މީހަކުވެސް ބޭނުންވަނީ ފައިސާއެވެ. ލައްކައިން ލައްކައިންނެވެ. މޫސަ އެންމެ ފަހަށް އެކަމާ ކަންބޮޑުވެ މީސްމީޑިޔާގާ އެހީޔަށް އެދުނެވެ. ފަސް ވަރަކަށް މީހުން ގުޅާ ކިޑްނީ ހަދިޔާ ކުރާނަމޭ ބުންޏެވެ. އެހެންކަމުން އެމީހުންގެ ޓެސްޓްތައް ހެދުމަށް މޫސަ ޑްކޮޓަރާ އެޕޮއިންޓްމެންޓް ހެއްދިޔެވެ. ނަމަވެސް ހުރި ހިތާމައެއްގެ ބޮޑުކަމާއެވެ. ޓެސްޓްހަދާ ދުވަސް އައުމުން އެކަކުވެސް ފޯނެއް ނުނެގިޔެވެ. މޫސަގެ ހިތް ދިޔައީ ފަޅަ ފަޅާންނެވެ. އެންމެ ފަހަށް ގާތުގާ އުޅުން ރައްޓެހިން މޫސައަށް ގެއްލެންފެށިޔެވެ. ދުރު ދުރުން އެމީހުންވެސް މޫސަގެ ހިތް ހަލާކުކޮށްލީ ޖަހާލާ ތޫނު ބަސްތަކުންނެވެ. ނުކުޅެދޭ މީހެކެވެ، ކަލޭ ރަނގަޅެއް ނުވާނެވެ. ކަލޭ ކިޑްނީއެއް ލެއްވިޔަސް އެއްވެސް އުންމީދެއް ނެތެވެ. މިފަދަ ބަސްތަކުން މޫސަގެ ކަނދުރާ އެލިއްޖެއެވެ. އެންމެ ފަހަށް ލޯބިވެރިޔާވެސް ގެއްލުނެވެެ. މީހެއްގެ އަސްލު ސޫރަ ފެންނާނީ އެންމެ ބޭނުންޖެހޭ ދުވަހުއޭ މީހުން ބުނާތަން މިއަދު މޫސައަށް ހަމަލޮލަށް ފެނިއްޖެއެވެ. ހިތާމާގެ ކޮޅެއް ނެތި އެކަނިވެ މާޔޫސްވެއްޖެއެވެ. އެންމެ ފަހަށް އާއިލާތެރޭ ދެބަސްވުން އުފެދި އާއިލާވެސް ދެބައި ވެއްޖެއެވެ.
ދުވަސް ގަނޑަކަށްފަހު މޫސައަށް ނުދަންނަ ނަމްބަރަކުން މީހަކު ގުޅިޔެވެ. އެމީހަކު މޫސައާ ބައްދަލްކުރަން ބޭނުންވާ ވާހަކަ ބުނުމުން އެމީހާއާ މޫސަ ބައްދަލްކުރިޔެވެ. އެއީ މެދު އުމުރުގެ މީހެކެެވެ. އެމީހާ މޫސައާ ވާހަކަ ދެއްކީ ވަރަށްވެސް ހެޔޮކޮށްށެވެ. އަދި މާތ ﷲ އަށްޓަކާ އޭނާގެ ކިޑްނީއެއް މޫސައަށް ހަދިޔާކުރަން ބޭނުންވާ ވާހަކަ ބުންޏެވެ. މޫސަގެ އުންމީދު އާވެގެންދިޔައީ މިހިސާބުންނެވެ. ދެމީހުންގޮސް ޓެސްޓްތައް ހަދާ އެކަމަށް ތައްޔާރުވުމުގެ ފަހު މަރުހަލާއާ ހަމަޔަށް ގޮސްފިޔެވެ. ފުރަން އެއްދުވަހަށް ވެފާ އޮއްވާ މޫސައަށް އެމީހާ ގެއްލިއްޖެއެވެ. ގުޅީމަކާ ފޯނެއްވެސް ނުނަގައެވެ. މޫސަގެ ހިތް ދިޔައީ ފަޅަ ފަޅާންނެވެ. މާތް ﷲ ގެ ނަމުގާ ކިޑްނީ ހަދިޔާކުރަން އައި މީހާވެސް ދިނީ ކެއްސެވެ. މިއި މިއަދު ހަމަ މީހުންގެ ހުރި ނުބައި ނުލަފަފާކަންބާއެވެ. ނަމަވެސް މޫސަ އުންމީދު ކަނޑައެއްނުލިޔެވެ. ހިތްވަރުކޮށްފާ ގަދައަޅާ މަސައްކަތް އަލުން ފެށިޔެވެ. ކިޑްނީއެއް ހޯދުމަށްށެވެ. މާތް ﷲ ގެ އިރާދަފުޅާއެކު މޫސައަށް ކިޑްނީއެއް ހަދިޔާކުރީ މުސްކުޅި ބޭބެއެކެވެ. އެމީހާ ކިޑްނީ ހަދިޔާ ކުރި ދުވަސްނޫން އަނެއް ދުވަހު ނިޔާވިޔެވެ. އެމީހާގެ ވަސިއްޔަތްކޮށްފާވަނީ އޭނާގެ ދެވަނަ ކިޑްނީވެސް މޫސައަށް ހަދިޔާކުރުމަށްށެވެ. سبحان الله ކޮންފަދަ ހެޔޮ ނިމުމެއްތޯއެވެ.
- ނިމުނީ -
ލޮބުވެތިން އަޙުންނާ އުޙްތުންނޭވެ. ކިޑްނީއަކަށް ބޭނުންޖެހިފާވާ މީހަކު ހިތުގާ ނުޖައްސާށެވެ. ތިބާއަށް އެކަން ކުރަން ނުކެރޭނަމަ އެމީހަކަށް ހެޔޮދުއާ ކުރާށެވެ. އަދި ސިއްރިއްޔާތުގާ ފައިސާގެ އެހީވާށެވެ. އެކަމުން ވިޔަފާރި ނުކުރާށެވެ. އެއީ ވަރަށް ބޮޑު ގޯހެކެވެ. ތިބާޔާ ސުވާލު ކުރެވޭނެ ދުވަސް އަންނާނެކަން ހަނދާންކުރާށެވެ. ވީ ވަރަކުން އެހީތެރިވެ އާހިރަތަށް ތައްޔާރުވާށެވެ،
No comments:
Post a Comment