މި ފަނާވަމުންދާ ދުނިޔެއަށް ގެއްލި އެތައް ބަޔަކު ހަލާކުވެއްޖެއެވެ. އުފަލާ މަޖާ ފިޔަވާ އެހެން އެއްޗެއް އެބައިމީހުން ބޭނުންވެސް ނުވަނީއެވެ. ސަލާމަތް ހޯދެން އޮތް މަގު ކަމުގާވާ އިސްލާމްދީންވެސް ދޫކޮށްފިޔެވެ. ލޮބުވެތި ރަސޫލް ބޭކަލުންނަށް މަލާމާތްވެސް ކުރަން ފަށާފިޔެވެ. އަދި މާތް ﷲ ބާއްވާލެވި ފޮތައްވެސް އެބައި މީހުން ފުރަގަސްދީފިޔެވެ. ފަސްވަގުތުގެ ގޮވާލުމަކީ މިއަދު އެބައި މީހުންނަށް އެއްވެސް އެއްޗެއްނޫނެވެ. އެބައި މީހުންނަށް ހުރި ހަލާކެއްގެ ބޮޑުކަމާއެވެ.
ޔޫނުސްއަކީ ޒުވާނެކެވެ. މަންމަޔާ ބައްޕައެއްގެ ހުރި ހަމައެކަނި ދަރިޔެވެ. ޔޫނުސް ކިޔަވާ ނިމުމުން މަތީ ތައުލީމްވަނީ ފެއްޓިފައެވެ. އެ ތައުލީމްގެ ތެރެއިން އެތައް އެކުވެރިންނެއް އޭނާއަށް ލިބުނެވެ. މުއްސަނދި މަޖާ ރަހްމަތްތެރިންނެވެ. އެއީ ޔޫނުސް ބޭނުންވާފަދަ ރައްޓެހިންނެވެ. އުޅެނީ ހަތަރުދަމު ކުޅިވަރުގަޔާ ބޭރުގައެވެ. ގެޔަށް ވަންނާނީ ފަތިސްނަމާދު ބަންގިޔަށްށެވެ. މިއީ އެމީހުންނަށް ވަރަށް މޮޅު ކަމެކެވެ. ނިދަން އޮށޯންނަ މީހުން ތެދުވާނީ ހަވީރު ހަތަރަކުންނެވެ. އެހާހިސާބުން ދެން އޮންނާނީ ކޮންމެވެސް ކަމަކާގެން އުޅުމެވެ.
އެހެން ދުވަސްތަކެކޭވެސް އެއްފަދައިން މިއަދުވެސް ޔޫނުސް ނިދާ ހޭލީ ހަވީރު ހަތަރެއް ޖެހިފަހުންނެވެ. ފެންވަރާ ރީތިވެލާގެން ބޭރަށް ނުކުތީ ރަހްމަތްތެރިންނާއެކު ކޮފީއަށްށެވެ. ކުރިޔަށް އޮތީ ރޯދަމަހުގެ ފުޓްބޯޅަ މުބާރާތްކަމުން ކޮޕީގާ މުޅިންވެސް އެންމެން ދެއްކީ އެވާހަކައެވެ. އެހެންކަމުން ތަމްރީން ހެދުމަށް ގަޑިޔެއް ކަނޑައެޅިޔެވެ. އެންމެންވެސް ނިންމީ ދެ ނަމާދު ދޭތެރެއެވެ. އެހެންކަމުން ކޮފީގާ ތިބެފާ ހައެއް ޖެހުމާއެކު ގެޔަށްގޮސް ތައްޔާރުވެގެން މަޢްރިބް ނަމާދު ބަންގިޔަށް އެންމެންވެސް ސްޓޭޑިޔަމްއަށް ހިނގައްޖެއެވެ. އެމީހުން އެތަނުގާ ތަމްރީން ހެދިއިރު ބޮޑެތި ކްލަބު ތަކުގެ ކުޅުތެރުރިން ސަފުހަދާ ނަމާދުކުރަމުން ދިޔައީ އެމީހުންނަށް ހާއްސަކުރެވިފާވާ ދަނޑުގައެވެ. މި މަންޒަރު ފެނިފާ ޔޫނުސްމެން އެކައްޗެއްވެސް ހިތަކަށްވެސް ނޭރިޔެވެ. އެމީހުން ކުޅިވަރާން ކުރިޔަށްގޮސް އަށެއް ޖެހިއިރު ނިންމާލާފިޔެވެ. ނިންމާލުމަށްފަހު އެންމެންވެސް ދިޔައީ މޫދަށްށެވެ. އެތަނުގާ ގޮސް ސަކަރާތް ޖަހަޖަހާފަ ގެޔަށް އައީ ދިހައެއް ޖެހިއިރުއެވެ.
ގެޔަށް އައި ޔޫނުސްއާ ބައްޕަޔާ ދިމާވިޔެވެ. ލަސްވީ ކީއްވެތޯ ސުވާލުކޮށްލުމުން ކުރި ކަންތައް ކިޔާދިނެވެ. އެއާއެކު ދެން އައި ސުވާލަކީ ނަމާދުކުރިންތޯއެވެ. ޖަވާބުގާ ޔޫނުސް ހެދީ ދޮގެވެ. ނަމާދު ކުރިކަމަށް ބުނެ އަވަހަށް ގޮސްވަނީ ފެންވަރާށެވެ. ފެންވަރާން ކައިގެން ފޯނު ހިފާގެން ޖައްސާލިޔެވެ. ފަތިސް ނަމާދު ބަންގި ގޮވަންދެން ފޯނު ކުޅުމާ ގޭމް ކުޅުމުގާ ޝާމިލްވެ އުޅުނެވެ. އެންމެ ފަހަށް ފަތިސް ނަމާދު ބަންގި ގޮވުމާއެކު ނިދަން އޮށޯތެވެ. ނަމަވެސް މިފަހަރު ޔޫނުސްގެ ނިންޖަށް ހުރަސްއެޅީ ބައްޕައެވެ. ދޮރުގާ ބާރަށް ޓަކިޖަހާ ޔޫނުސް ނެރެ ގޮވާގެން މިސްކިތައް ދިޔައެވެ. ނުރުހުމުގާ ހުރެ ޔޫނުސް ނަމާދުކޮށް ނިންމާލާން އަވަސް އަވަހަށް ގެޔަށް އައިސް ނިދަން އޮށޯތެވެ.
ނިދަން އޮތް ޔޫނުސްއަށް ހޭލެވުނީ ބާރު ހޮނުގުގުރިޔެއް ޖެހި އަޑަށްށެވެ. އެއިރުގާ ގަދަޔަށް ދިޔައީ ވިއްސާރަ ވެހެމުންނެވެ. ގަޑި ބަލާލިއިރު މެންދުރު ދޭއް ޖެހީޔެވެ. އަލުން ގޮސް ނިދަން އުޅެ އުޅެ ނުއެއް ނިދުނެވެ. އެންމެ ފަހަށް ޔޫނުސް ތެދުވެގެން އައިސް ސޯފާގާ ޓީވީ އަޅުވާލާން ޖައްސާލިޔެވެ. މިހެން އިންދާ މެސެޖެއް ފޯނަށް އަތުވެއްޖެއެވެ. މިރޭވެސް ތަމްރީން އެބޮތްކަމެވެ. އެހެން ކަމުން ޔޫނުސް ވާރޭ ތުނިކޮށްލާނެކަމަށް އުންމީދުކޮށްގެން ހައެއް ޖަހަންދެން މަޑުކުރިޔެވެ. ކޮންމެވެސް ވަރަކަށް ހައެއްޖެހިއިރު ތުނިކޮށްލުމުން ތައްޔާރުވެގެން ސްޓޭޑިއަމްއަށް ދިޔައެވެ. ޔޫނުސްމެން ފިޔަވާ އެއްވެސް ބަޔަކު މިއަދު ކުޅޭކަށް ނުދެއެވެ. އެހެން ކަމުން ފައްޓާލިތަނާހެން ވާރޭވެސް ބޯކޮށްލާފިޔެވެ. ނަމަވެސް ކުޅިވަރު ހުއްޓައެއްނުލިޔެވެ. މައްރިބް ނަމާދަށް ގޮވާގޮސްފިޔެވެ. އެންމެ ފަހަށް އިޝާއަށް ގޮވަން ގާތްވެއްޖެއެވެ. މިހެން ބާރު އަޑަކާއެކު އެންމެންގެ މެދަށް ބޮޑު ރަތް ހޮނު ގުގުރިޔެއް ޖެހިޔެވެ. އެޔާއެކު އެންމެން ބުރާގެން ގޮސްފިޔެވެ. އެކި މީހުން އެކި ދިމަ ދިމާލަށް ބާރަކަށް ޖެހި ހަރަކާތްކެނޑިފާ ތިއްބެެވެ. އިރުކޮޅަކުން ޔޫނުސް ކެއްސަމުން ތުރުތުރު އަޅަމުން ތެދުވިޔެވެ. ހުރިހާ ރަހްމަތެރިންނަށް އެމީހުންގެ ނަންތަކުން ގޮވަމުންދިޔައެވެ. އެއިރު ވާރޭ ވަރަށް ބޯވެ ގުގުރާ ވިދަނީޔެވެ. ހަމަ ހިލާ އެކަކުވެސް ޖަވާބެއް ނުދިނެވެެ. ޔޫނުސް ހާސްވާން ފެއްޓިޔެވެ. ކުރިޔަށް ދާން ގުޑާލިތަނުން ކަނައަތަށް ވަރުގަދަ ތަދެއް އެރިޔެވެ. ޔޫނުސްގެ ކޮނޑުހުޅުވަނީ ނައްޓާންގޮސްފައެވެ. އަތުގާ އަތް އަޅާން ކުރިޔަށް އައި ޔޫނުސްއަށް އޭނާގެ އެކުވެރިންގެ ހާލު ފެންނަންފެށިޔެވެ. ހުރިހާ އެންމެންވެސްވަނީ ވަރަށް ބޮޑަށް ފިހެވިފައެވެ. ބައެއް އެކުވެރިންގެ ގުނަވަންތައްވެސް ނެތެެވެ. މަންޒަރު ފެނުމާއެކު ޔޫނުސް ހޭނެތިގެން ވެއްޓިއްޖެއެވެ.
ޔޫނުސްއަށް ހޭލެވުއިރު މުޅި ހަށިގަނޑަށްވަނީ ހޮޅިތައް ގުޅާފައެވެ. ނޭވާލެވެނީ ކިރިޔަ ކިރިޔާއެވެ. މިއީ ޔޫނުސްގެ ފަހުވަގުތުކޮޅުކަމަށް ހިތާ އޭނާ ރޯންފެށިޔެވެ. ކުރިމަތީ ހުރި ޓީވީއިން ފެންނަމުންދިޔައީ ހަދީސާ ހިނގާގެން އުޅޭ ސަރަހައްދެވެ. އިރުކޮޅަކުން ޑޮކްޓަރާ ނަރުހަކުއައެވެ. އެމީހުން އައިސް ޔޫނުސްގެ ހާލު އޮޅުންފިލުވާލުމުން ޔޫނުސް އޭނާގެ ރަހްމަތްތެރިން ކޮބާތޯ ސުވާލުކޮށްލިޔެވެ. ޑޮކްޓަރާ ނަރުސް އެކަކު އަނެކަކަށް ބަލާލާފަ ހަމައެކަނި ދިރިހުރީ ޔޫނުސްކަމަށް ބުންޏެވެ. އެއާއެކު ޔޫނުސްގެ ހިތް ފަޅަ ފަޅާންދިޔައެވެ. އަދި ބިރުވެރިކަންވެސް ވަންނަންފެށިޔެވެ. އެ އެންމެން ފިޔަވާ ޔޫނުސް އެކަނި ސަލާމަތްވީތީއެވެ. ޑޮކްޓަރާ ނަރުސް ދިޔުމުން ޔޫނުސްގެ މަންމަޔާ ބައްޕަ އައިސް ޔޫނުސްކައިރީ އިށީނދެ ކޮލަށް ބޮސްދޭންފެށިޔެވެ.
ހޮސްޕިޓަލުން ދޫކޮށްލުމާއެކު ޔޫނުސް ބައްޕަޔާއެކު ހާދިސާ ހިނގިތަނަށް ދިޔައެވެ. އަދި ބައްޕާގެ އަތުގާ ބާރަށް ހިފަހައްޓާލާންހުރެ ތައުބާވުމަށް އެހީތެރިވުމަށް އެދުނެވެ. ބައްޕަގެ އެހީޔާއެކު ޔޫނުސް ގަވައިދުން ނަމާދުކޮށް ގުރުއާން ކިޔަވަންފެށިޔެވެ. މިއަދު ފަތިސްނަމާދަށް ނިދަމުންދިޔަ ޔޫނުސް ހުންނަނީ ފަތިސްނަމާދު ބަންގިޔަ ތެދުވެއެވެ. އަދި ފަސްވަގުތުގެ އެ ގޮވާލުމަށް އޭނާ ދުވަހަކުވެސް ފުރަގަސްނުދޭން ވައުދުވިޔެވެ. ފަހެ އެންމެ ދުރުގާވެސް އެންމެ ގާތުގާވެސްވަނީ މަރުކަން އޭނާއަށް އެނގެއެވެ.
- ނިމުނީ -
No comments:
Post a Comment