ޒުވާންކަމުގެ ފައިދާ ހެޔޮގޮތުގައި ނުލިބި އާޙިރަތް ބާއްޖަނުކުރެވިއްޖެނަމަ ތިބާއަކީ ބަދުނަސީބުވެރިޔެކެވެ. ﷲ سُبْحَانَهُ وَ تَعَالَى އަޅުގަނޑުމެންނަށްވަނީ އެތައް ގޮތަކުން އިންޒާރުދެއްވާފައެވެ. އެގޮތުން ގިޔާމަތުގެ ފުރުތަމަ މަރުހަލާ ކަމުގައިވާ ކަށްވަޅުގެ އަޒާބާ ތިބާ ކުރިމަތިލާންޖެހެއެވެ.
އަލީއަކީ 18 އަހަރުގެ ރީތި ޒުވާނެކެވެ. މައިންބަފައިންގެ ހަމައެކަނި ހުރި ދަރިފުޅެވެ. މަންމައާ ބައްޕަ އަބަދުވެސް އަލީއަށް ނަސޭހަތްދީހަދައެވެ. ނަމަވެސް މައިންބަފައިންގެ ބުނާއަޑު އަލީ އަހަން ފޫހިވެއެވެ. އޭނާ ބޭނުންގޮތަކަށް އޭނާ އުޅެމުން ގެންދިޔައެވެ. މީހުންނަށް އުނދަގޫވާފަދަ އެތަށްކަމެއް އަލީ ދިޔައީ ކުރަމުންނެވެ. ނަމަވެސް މައިބަފައިން ކެތްތެރިވެ އަލީއަށް ދިޔައީ ނަސޭހަތްދެމުންނެވެ.
ރޯދަމަސް އައިސް ޖެހުމުން އަލީގެ ބައްޕަ އޭނާގެ މައްޗަށް ހަރުކަށިވެ ނަމާދަށް ގެންދަންފެށިއެވެ. ނަމަވެސް ތަރާވީސް ދިގުކަމުގެ ޝަކުވާކޮއް އަލީ އިޝާކޮއްގެން އޭނާ ދާތާކަށް ދެއެވެ. މިކަން މިސްކިތުގެ އިމާމްއަށް ފާހަގަވެ އެއްދުވަހު އަލީއާ ބައްދަލްކުރިއެވެ. އަދި ނަމާދަށް ފަރުވާތެރިވުމަށް ނަސޭހަތްދިނެވެ. ގުރުއާން ކިޔެވުމަކީ ކިހާ ފައިދާ ހުރި ކަމެއްކަން ކިޔާދިނެވެ. އާހިރަތް ބާއްޖެވެރިކުރުން އޮތީ އަލީގެ އަތްމަތީގައިކަން ބުނެލިއެވެ. ނަމަވެސް އަލީ އެހުރިހާ ވާހަކައަަކަށްދިނީ ބީރުކަންފަތެވެ. މިގޮތުގައި އަލީ ހުއްޓާ އެއްރޭ އިޝާކޮއްގެން ފައިބަނިކޮށް މީހަކު ސަޖިދައިގާ ނިޔާވެފައި އެބައޮތޭ ކިޔާ މީހަކު ހަޅޭއްލަވައިގަތެވެ. އިސާހިތަކު މުޅި މިސްކިތް ތަކުބީރުން ގުޑުވާލިއެވެ. އެ މަންޒަރު ބަލަން އަލީވެސް ދިޔައެވެ. ސަޖިދައިގާ މީހަކު ނިޔާވެފައި އޮތްތަން އޭނާގެ ދެލޮލުން ފެނުމުންވެސް އެކަމުގެ އަސަރު ހުރީ ކުޑަދުވަސްކޮޅަކުއެވެ.
ދުވަސްތައް ފާއިތުވެގެންގޮސް އަލީ ކުއްލިއަކަށް ބަލިވިއެވެ. މައިންބަފައިން އޭނާ ގޮވައިގެން ހޮސްޕިޓަލްއަށް ދިޔައެވެ. ޑޮކްޓަރުން އޭނާ ބެލުމަށްފަހު އެޑްމިޓްކުރިއެވެ. އެއް ހަފްތާފަހު އަލީ މިދުނިޔެ ދޫކޮއްދިޔައެވެ. އަލީގެ ކަށުކަމާކެމީގެ ކަންތަށް ނިންމާ ވަޅުލެވިއްޖެއެވެ. އަލީ ވަޅުލިތާ ތިން ގަޑިއިރެވެ. އަލީގެ ބައްޕަ ބޭނުންވީ އަދި އެއްފަހަރު އަލީ މަރުވާން ދިމަވީ ސަބަބު އިތުރު ތަހުލީލްތަކެއް ކޮއްގެން ބަލައިލާށެވެ. މިގޮތުން ނަގަންވާ ހުއްދަތަށް ނަގައިގެން ގޮސް ޑޮކްޓަރާ ބައްދަލްކުރިއެވެ.
ޑޮކްޓަރުއާ އަލީގެ ބައްޕަ އަދި އަލީގެ ތިމާގެ މީހުންކޮޅެއް ގޮސް އަލީގެ ކަށްވަޅު ކޮނުމަށްފަހު ސަންދޯކްނަގާ ހުޅުވާލިއެވެ. އެންމެ ތިބީ ބިރުން ފިއްކަނޑައިގެން ގޮސްފައެވެ. އެންމެ ތިންގަޑިއިރު ކަށްވަޅުގައި ހޭދަކުރި އަލީ ވަނީ އެއްކޮށް ސިފަ ބަދަލުވެފައެވެ. މިހާގެ ހަން ވަނީ އަޅިވެފައެވެ. އިސްތަށިގަނޑުވަނީ ހުދުވެފައެވެ. ހަށިގަނޑުގެ އެކި ދިމަދިމާލަށްވަނީ ގެއްލުން ލިބިފައެވެ. ވަރަށް އަނިޔާވެރިކޮށް ބަޔަކު ތަޅާފައި ހުރިފަދަ ނިޝާންތައްވެސް ހުއްޓެވެ. އަތުގަޔާ ފައިގެ ކަށިތައްވަނީ ފިއްތާލުމެއްގެ ސަބަބުން ބިންދައިގެން ގޮސްފައެވެ. މޫނުމަތިވަނީ އެއްކޮށް ދުޅަވެ އަނގައިން އެތައް ބައިވަރު ލޭތަށް ފައިބާފައެވެ. ހުޅުވިފައިވާ ދެލޮލުން ފެންނަނީ ބިރުވެރިކަމާ ވޭނެވެ.
ބިރުންހުރި އަލީގެ ބައްޕަގެ ކޮނޑުގައި ޑޮކްޓަރު އަތްލުމަށްފަހު ދެން ހަދަންވީ ކިހިނެއްތޯ އަހާލިއެވެ. ޖަވާބުގައި އަލީގެ ބައްޕަ އޭނާ ބޭނުންވާ ޖަވާބު ލިބިއްޖެކަން ބުނެލިއެވެ. އަދި ސަންދޯކް މަތިޖަހާ އަވަހަށް ވަޅުލުމަށް އަމުރުކުރިއެވެ. މިއަދު އަލީގެ ވަހަކަވަނީ އެތައް ބަޔަކަށް ފޯރާފައެވެ. އެތައް ބަޔަކުވަނީ އެކަމުން ފިލާވަޅުލިބި ތައުބާވެފައެވެ. އަލީގެ ގަބުރުގެ ފޮޓޯތައް އެކި ސައިޓްތަކުގައިވަނީ ޝާއިރުކުރެވިފައެވެ.
ލޮބުވެތި ކިޔުންތެރިޔާއެވެ. ތިބާގެ އާޙިރަތް ބާއްޖަކުރެވޭނީ ތިބާއަށްށެވެ. އަދިވެސް ތައުބާގެ ދޮރުވަނީ ހުޅުވިފައެވެ. ކަށްވަޅުގެ އަޒާބަކީ ލިބޭނެއެއްޗެކެވެ. މަރަށް ތައްޔާރުވެ ތިބޭށެވެ. ﷲ سُبْحَانَهُ وَ تَعَالَى ތިބާއަށް އާހިރަތް ބާއްޖެވެރިކޮއްދެއްވާށެވެ.
No comments:
Post a Comment