މުސްލިމް އުންމަތަށް ޖެހިފައިވާ ހާލާމެދު މިއަދު ވިސްނަނީ ކިތައް މީހުންތޯއެވެ؟ މުސްލިމް އަޙުންނާ އުޙްތުންގެ ވޭން އިހްސާސް ކުރެވެނީ ތިބާއަށް ކިހާވަރަކަށްތޯއެވެ؟ މިއަދު އަޅުގަނޑުމެން ކިތަންމެ ދުރުގައި ތިއްބަސް މުސްލިމް އަޙުންނާ އުޙްތުން އުޅެމުންދާ ހާލު ބަލާލެވެއެވެ. ނަމަވެސް އެއުރެންނަށް ލިބެމުންދާ އަނިޔާތައް ދިފާއުކުރުމަށް ތެދުވަނީ މަދު ބައެކެވެ.
އަހަރެންގެ ނަމަކީ ނޫހްއެވެ. އަހަރެންނަކީ ސީރިޔާގައި ވަރަށް އުފަލާއެކު އަހަރެންގެ މަންމައާ ބައްޕަ އަދި ކޮއްކޮ ގޮވައިގެން ދިރިއުޅެމުން އައި ރައްޔިތެކެވެ. ހުރިހާ ޙަރަދެއް ބަލަހައްޓާދެނީ އަހަރެންނަށް ލިބެމުން އައި އާމްދަނީއިންނެވެ. ނަމަވެސް އުފާވެރި ދުވަސްތަކަށް ބަނަކަންވެސް އަންނާނެއެވެ. އެގޮތުން ހުޅަނގުގެ ކުފުރު ޑިމޮކްރެސީއޭ ކިޔުނު ވިހަ ސީރިޔާގެ ރައްޔިތުންނަށް ޖެހިއްޖެއެވެ. މީސްތަކުން ބައިބައިވެ މުޒާޙަރާތައް ގިނަވެއްޖެއެވެ. ތަންތަން ލޫޓުވުމާ ފޭރުން ގިނަވެ މީސްތަކުން ބަނޑަށްވެސް ޖެހެން ފަށާފިއެވެ. މިކަންތައްތަކުގެ ސަބަބުން އަހަރެންގެ ވަޒީފާވެސް ގެއްލިއްޖެއެވެ. އޭގެ ދުވަސްކޮޅެއްފަހުން އިވެންފެށީ އެކި ދިމަ ދިމާލިން ބަޑީގެ އަޑެވެ. ދާޙިލީ ހަނގުރާމަވެސް ފެށިއްޖެއެވެ. އަހަރެންގެ ލޯބިވާ ބައްޕާ އަދި ކޮއްކޮއާ މަންމަ އެ ހަމަލާތަކުގެ ޝިކާރައަކަށްވުމުގެ ކުރިން ސީރިޔާ ދޫކޮއް ދިޔުމަށް ދަތުރުފެށީމެވެ. ކޮންމެ ފަސް ކިލޯ މިޓަރަކުން ޗެކްޕޮއިންޓްތައް އަޅާ ހަތިޔަރުއެޅި މީސްމީހުން އެ ޗެކްޕޮއިންޓްތައް ކައިރީ ފޯރިމަރަން ތިބެއެވެ. ބައެއްފަހަރު ބައްޝާރުގެ އަނިޔާވެރި ސިފައިނާވެސް ދިމާވެއެވެ. އެމީހުންގެ ލާއިންސާނީ އަމަލުތަކުގެ ސަބަބުން އެއީ އިންސާނުންބާއޭވެސް ހިތައް އަރައެވެ. އަންހެނެއް ފިރިހެނެއް ނުބަލައެވެ. ޖަހަން ވެއްޖެނަމަ ޖަހާ ވައްޓާލާ އައުގުރާނަ ގޮވައެވެ. ކުޑައްޖެނަމަ ހުރީހާ އެންމެންވެގެން ބަޑިތައް އެކުއްޖާއާ ދިމާލަށް ދިއްކޮއްފައި މައުލޫމާތު ހޯދަން މަސައްކަތްކުރެއެވެ.
ކޮންމެއަކަސް އެތައް ޗެކްޕޮއިންޓްއެއް ހުރަސްކުރެވިއްޖެއެވެ. އަހަރެންގެ ލޯބިވާ ސީރިޔާއަށް ބަލަމުން ދުއްވިއިރު އަހަރެންގެ ލޮލަށް ހަލާކުވެ ވީރާނާވެފައިވާ އިމާރާތްތައް ފިޔަވާ އެހެން އެއްޗެއް ނުފެނެއެވެ. ލޮލުން ކަރުނަ ބާލާ ހާލުގައި ދުވަމުންދަނިކޮއް ކާރަށް ވަޒަނެއް އަރާފިއެވެ. އިސާހިތަކު އެންމެން ކާރުން ފައިބާ ހަލާކުވެފައި ހުރި އިމާރާތަކުން ހިމާޔަތް ހޯދުމަށް ދުއްވައިގަތެވެ. ރަހްމެއްނެތް ބަޑިޖަހަމުން ދިޔަ މީހާ އެތައް ވަޒަނެއް އޭނާ ފިލާ އޮތްތަނުން އަހަރެމެންނާ ދިމާލަށް ފޮނުވާލިއެވެ. ނަމަވެސް ރެކެމުން ގޮސް އަހަރެމެންނަށް އިމާރާތްތެރެއަށް ވަދެވުނެވެ. ނަމަވެސް ބައްޕައެއް ނެތެވެ. ބައްޕަ ކޮބާތޯ ބަލާލަން އަހަރެން އެ އިމާރާތުގައި ހުރި ކުޑަދޮރަކުން ބަލާލީމެވެ. ބައްޕަގެ ފަޔަށް ވަޒަނެއް އަރައިގެން ވަނީ އިމާރާތަ ދިހަ ފޫޓު ދުރަށް ވެއްޓިފައެވެ. އަހަރެން ނުކުންނަން އުޅުމުން އަހަރެންގެ ފައިބުޑަށް ވަޒަނެއް އެރިއެވެ. އެކަމުގެ ސަބަބުން ނުކުންނަން އެހާ ރައްކާތެރި ވަގުތެއް ނޫންކަން އެނގުނެވެ. ބައްޕަގެ ފައިން އަޅާ ވޭނުގެ ސަބަބުން ގުޑާނުލެވިފައި އޮތެވެ. އަހަރެން ބައްޕަ ކައިރި ފިރުކިފަ އަންނަން ބުނެލީމެވެ. ބައްޕަ ވަރަށް ހާލުން ފިރުކެން ފެށިއެވެ. ނަމަވެސް އެ ފުރާނަ މިދުނިޔެއާ ވަކިވެގެން ދިޔައީ ރަހްމެއްނެތް ބަޑިޖަހަމުން ދިޔަ މީހާގެ އަމާޒަކަށް ވެގެންނެވެ. އަހަރެން ކުރިމަތީ އަހަރެންގެ ބައްޕަ ގަތުލް ކޮއްލީއެވެ.
ބައްޕަ ނިޔާވެފައި އޮތް މަންޒަރު ބަލަން ހުރި މަންމަ އަހަރެންކައިރީގައި ކުރިޔަށް ދިޔުމަށް ހިއްވަރު ދިނެވެ. އަހަރެންނާ މަންމަ އަދި ކޮއްކޮ ފައި މަގުގައި އިމާރާތްތަކުގެ ހިމާޔަތުގައި ރެއާ ދުވާލު ފައިމަގުގައި ދަތުރުކުރީމެވެ. ކާ އެއްޗެއް ނުލިބޭތާ ހަތަރު ދުވަސްވީއެވެ. ކޮއްކޮގެ ގައިގެ ވަރު ނެތެން ފަށައިފިއެވެ. އަހަރެންގެ ކޮނޑަށް ކޮއްކޮ އަރުވައިގެން މަންމަ އެއްތުން ހިފަހަށްޓައިގެން އަހަރެން ހިނގީމެވެ. މިގޮތުގައި އުޅެނިކޮއް ކުޑަ ބަހެއް އައިސް އަހަރެމެންނާ އަރާ ހަމަކުރިއެވެ. އެ ބަހުގެ ދޮރު ހުޅުވާލީ ބައްޝާރުގެ ހަތިޔާރުއެޅި ސިފައިންނެވެ. އެމީހުން އަހަރެމެންގެ ހާލު އޮޅުން ފިލުވައި ފެނާ ކާބޯތެކެތި ދިނުމަށްފަހު އެމީހުންނާއެކު ދިޔުމަށް އެދުނެވެ. އެމީހުންނާއެކު ދިޔުމަކީ މިވަގުތު އެންމެ ރަނގަޅުގޮތްކަމަށްފެނީ އެމީހުންގެ ބަހަށް އަހަރެމެން އެރީމެވެ. ބާރު ސްޕީޑްގައި ދުއްވައިފާދަމުން ވަކި ހިސާބަކަށް ހުއްޓާ އަހަރެންނާ ކޮއްކޮއާ ދިމާލަށް ބަޑި ދިއްކުރުމަށްފަހު ބަހުން ފޭބުމަށް އަމުރުކުރިއެވެ. ނުފައިބާފިނަމަ މަރާލާނެކަމަށް ބުނިއެވެ. އަހަރެމެން ބިރުން ފޭބީމެވެ. ނަމަވެސް މަންމަ ފޭބިއަކަށް ނުދިނެވެ. އެފަކީރު ކަރުނަ އަޅާ ރޮނީއެވެ. އެފަކީރުގެ ރުއިމާ އަހަރެމެންގެ އާދޭހަށް ނުބަލާ އެމީހުން މަންމަ އެމީހުންނާއެކު ގެންދާތާކަށް ގެންދިޔައެވެ. އަހަރެންނާ ކޮއްކޮ އެކަނި ވީއްޔެވެ. ކޮއްކޮ ރައްކާތެރިކުރުމަށް އަހަރެން ނިޔަތްގަތީމެވެ. އެކުއްޖާ އުރައިގެންނާ ފައި މަގުގައި އަހަރެން ހަފްތާއެއް ވަންދެން ދަތުރުކުރީމެވެ. ކާއެއްޗެއް ނުކައި ބޯނެ ފެންފޮދެއް ނުލިބި ދަތުރުކުރަނިކޮއް އަހަރެމެން ދަތުރުކުރި މަގަށް ބޮން އަޅާފިއެވެ. ކޮއްކޮ ސަލާމަތްކުރަން އެކުއްޖާ އަތުގައި ހިފާ ދުއްވައިގަތީމެވެ. ވެއްޓެމުން އައި ބޮންތައް ގޮވައި އަހަރެމެން ދެމީހުން ދުންގަނޑުތެރެއަށް ފޮރުވިގެން ދިޔައެވެ. ދުންގަނޑުތެރެއިން އަހަރެން ކޮއްކޮގެ އަތުގައި ހިފައުގެން ނުކުތީމެވެ. ނަމަވެސް ކޮއްކޮ އާދަޔާ ޙިލާފަށް ލުއިހެން ހީވެ ފަހަތްބަލާލީމެވެ. އަހަރެންގެ އަތުގައި އޮތީ އެ މައުސޫމް ކުއްޖާގެ ހަށިގަނޑާ ވަކިވެގެން އައިސްފާވާ އަތެވެ. ލޮލުން ކަރުނަ އޮހޮރި ހަޅޭއް ފަޅޭއް ޖަހާ މޮޔަ މީހެއްހެން އަހަރެން ކޮއްކޮ ހޯދުމަށް ދުއްވައި ގަތީމެވެ. ގާތައް ހާވަމުން ގޮސް އަހަރެންނަށް ކޮއްކޮގެ ހަށިގަނޑު ފެނުނެވެ. އަހަރެންގެ ލޯބިވާ ކޮއްކޮވަނީ ބުރި ބުރިވެފައެވެ.
މުޅި އާއިލާ އަހަރެންނަށް ގެއްލި އެކަނިވެރިއަކަށް ވެއްޖެއެވެ. ރޭގަނޑު ނިދެނީކީނޫނެވެ. ހުވަފެނުން އެންމެން ފެންނަނީއެވެ. މިހާލުގައި ދުވަސްތައް ގުނަމުން ދަނިކޮއް ލޮރީއެއްގައި އައި ބަޔަކު އަހަރެންނާ ދިމާވިއެވެ. އެމީހުން އަހަރެންނަށް ކާނާއާ ފެން ދިނެވެ. އެއަށްފަހު އެމީހުންގެ ކޭންޕްއަށް އަހަރެން ގެންގޮސް އެމީހުންގެ އިސްވެރިޔާއާ އަހަރެން ބައްދަލް ކުރުވިއެވެ. އަދި ކޭމްޕްގެ އެންމެން އަހަރެން ވަށާ އިށީނެވެ. އިސްވެރިޔާ އަހަރެންގެ ވާހަކަތައް އަޑުއަހައި އެކަމާ އެނާ ހިތާމަ ކުރިއެވެ. އަދި އޭނާ އަހަރެން ބަލަހަށްޓާނެކަމަށް ވައުދުވިއެވެ. އަދި އޭނާގެ ލަޝްކަރުގައި ހިމެނުމަށް އަހަރެންނަށް ތަމްރީން ދިނެވެ. ތަމްރީންތައް ނިންމާފައި އަހަރެންނަށް އަހަރެންގެ ބަޑި ހަދިޔާކުރިއެވެ. އެއަށްފަހު ފުރުތަމަ ހަނގުރާމައަށް އަހަރެން ނުކުތީމެވެ. ބައްޝާރުގެ ލަޝްކަރުގެ އަތްދޮށުގައި އޮތް އަވަށެއް މިނިވަންކުރީމެވެ. ހަނގުރާމަ ނިމުމުން ގެތައް ފާސްކުރަމުން ދަނިކޮއް އަހަރެންގެ ލޮލުގައި އަޅާގަތީ ޕާކްކޮއްފައި އޮތް ބަހެކެވެ. ވަގުތުން އަހަރެންނަށް އެ ބަސް އެއީ އަހަރެންގެ މަންމަ ގެންދިޔަ ބަސްކަން އެނގުނެވެ. އަހަރެން ގޮސް އެ ބަހުގެ ތެރެ ބެލިއިރު ކަމަކުދާކަށްނެތެވެ. އަހަރެންގެ ލޯބިވާ މަންމަގެ އިއްފަތްވަނީ ނަގާލާފައެެވެ. އެފަކީރުގެ އުރަމަތިވަނީ ތޫނު އެއްޗަކުން އިރާލާފައެވެ. ގައިގާ އެންމެ ލޭފޮދެއްވެސް ނެތެވެ. މުޅި މީހާގެ ހަށިގަނޑުގައިވަނީ ވަޅި ދަމާފައެވެ. އަހަރެންގެ ބޮލުގައި އަތްއަޅާ ބާރަށް ރޯންފެށުމުން އިސްވެރިޔާ އައިސް އަހަރެން އެތަނުން ދުރަށްލާ ބައްދައިގަތެވެ. ފެންނާނެކަމަށް އުންމީދުކޮއްގެން ހުރި އާއިލާ މެންމްބަރުވެސް މިވަނީ ގަތުލްކޮއްލާފައެވެ. މިއަދު އަހަރެންގެ ހަމަ އެކަކުވެސް ނެތެވެ. މިއަދު އަހަރެންގެ އެކުވެރިޔަކީ އަދި އާއިލާ އަކީ އަހަރެން އަތުގައި އޮތް ހަތިޔާރެވެ. މި ހަތިޔާރު އަހަރެންގެ ފުރާނަ ހުރިހާ ދުވަހަކު އުފުއްލާނަމެވެ. އަދި ދުޝްމަނުންނަށް ހުރި ބިރުވެރިކަމަކަށް އަހަރެން ވާނަމެވެ. އަހަރެންގެ އާއިލާއަށްޓާކާ އަހަރެން ބަދަލް ހިފާނަމެވެ. އަދި الله سبحان و تعالىٰ އަށްޓަކައި ޖިހާދު ކުރާނަމެވެ.
– ނިމުނީ –
No comments:
Post a Comment