ދުނިޔެ ފެށުނީއްސުރެ ކާފިރުންދަނީ އެކި ގޮތްގޮތަށް އިސްލާމްދީން ފުހެލުމަށް މަސައްކަތްކުރަމުންނެވެ. ﷲ سُبْحَانَهُ وَ تَعَالَى ފޮނުވެވި ރަސޫލު ބޭކަލުންނަށް އެމީހުން ދިޔައީ އެތައް ދުއްތުރާތަކެއްކުރަމުންނެވެ. އެބައި މީހުންގެ ހިތްތައް ހަރުކަމުންގޮސްވަނީ ހިލައަށް ބަދަލްވެފައެވެ. އެމީހުންނަށް ދުނިޔެއަކުވެސް އަދި އާޙިރަތުގައިވެސް ކާމިޔާބީއެއްނެތެވެ.
އަހަރެންނަކީ ޙަމްޒާއެވެ. ފަލަސްތީނުގެ ހަމާސްގެ ކޮމާންޑަރެވެ. ކޮންމެ ދުވަހަކު އަހަރެން ތެދުވަނީ އެދުވަހަކީ އަހަރެންގެ ހަޔާތުގެ އެންމެފަހު ދުވަސް ކަމަށް ދެކިގެންނެވެ. އަހަރެންގެ އަވަށްވަނީ އެއްކޮއް ސުންނާފަތިވެފައެވެ. ފަލަސްތީނުގެ ބިމަށް ވެރިވެގަނެފައިވާ ޔަހޫދީންދަނީ އަހަރުމެން ގެތަކުންނެރެ އެމިހުންގެ މިހުން އާބާދުކުރަމުންނެވެ. ކުޑަކުއްޖެ ބޮޑުމީހެއް އަދި މުސްކުޅިއަކަށް ބެލުމެއްނެތެވެ. އަހަރެންގެ މައިންބަފައިންވަނީ އިޒްރޭލުގެ ޖަލެއްގައި އަނިޔާދެވި މަރާލެވިފައެވެ. އެމީހުންގެ ޖަލުތަކަކީ ލާއިންސާނީ އެތައް އަމަލެއް ހިނގޭ ތަނެކެވެ. މަސްޖިދުލް އަގްސާއަށް ނަމާދަށް ދާ މީހުންނަށްވެސް މި ޔަހޫދީން ހުރަސްއަޅަނީ އަމަށަކު ވަރަކަށްނޫނެވެ. މިސްކިތުގައި ނަމާދަށް ތިއްބައި އެތަނަށްވެސް ކަރުނަގޭސް އުކައި މީހުންތަކަށް އުނދަގުކޮއްގެން ނަމާދުގެ ސަފުތައް ރޫޅާލައެވެ. މި ޔަހޫދީ ބައިގަނޑު ކުޅިވަރަކަށްވެސް މުސްލުމުން މަރައެވެ. އެއްފަހަރެއްގައި މުސްލިމް ޒުވާން އަންހެންކުއްޖަކު ގަޔަށް ޔަހޫދީ ފުލުހަކު ބަޑިޖަހައި މަރާލުމަށްފަހު އެކުއްޖާ ހަށިގަނޑު ކައިރި އެ ޔަހޫދީ ކަލޭގެ ހަމަޖެހިލައިގެން ކޮފީއެއްބޯލަންއިނެވެ. މިކަންތައްތަކަށް އަހަރެންނަކަށް ކެތެއްނުވެއެވެ. ޒަމާނީ ހަތިޔާރު އަހަރުމެން އަތުގައި މަދެވެ. ރައްޔިތުން ޔަހޫދީންނާ ކުރިމަތިލަނީ އޮއްގަލުންނެވެ. އޮއްގާދެކެ ބިރުން ޔަހޫދީންގެ އެންމެ ވަރުގަދައަށް ސާމާނު އަޅާ ރައްކާތެރިވެގެންތިބޭ ސިފައިންވެސް ދުވެ ފިލައެވެ. އެބައި މީހުންގެ ބަރު ހަތިޔާރުތަކަށް އޮއްގާ އުކާލަން އެނިކުންނަނީ ކުޑަ ކުދިންނެވެ. އެއްވެސް ބިރެއްނެތިއެވެ. އޮއްގާ އުކުމުން ބަރު ހަތިޔާރުތައްގޮސް ވަންނަނީ އެމީހުން ރާނާފައި ހުންނަ ބޮޑު ފާރު ފަހަތައްށެވެ. ދެންތިބީ އަހަރެންގެ ކޮމާންޑްގެ ދަށުގައި ތިބި ހިތްވަރުގަދަ ހަމާސްގެ މުޖާހިދުންނެވެ. ﷲ سُبْحَانَهُ وَ تَعَالَى ލެއްވި ބިމުގައި ބިންގަރާސްކޮނެގެން ކުދި ކުދި އޮޕޮރޭޝަންތައް ހިނގައި ޔަހޫދީންނަށް އެތައް ގެއްލުންތަކެއްދެމެވެ. އަހަރުމެން އަތުގައި ހުންނަނީ ރޮކެޓް އެކަންޏެވެ. އޭގެން ލިބޭނީ ވަރަށް ކުޑަ ގެއްލުމެއްކަން އެނގުނަސް އަހަރުމެން ރޮކެޓްތައް އުދުއްސާލަމެވެ. ރޮކެޓްތައް ގޮސް އިސްރާއިލްއޭ ކިޔުނު ސަރަހައްދަށް ވެއްޓި މީހަކަށް ގެއްލުމެއްވިޔަސް ނުވިޔަސް ޝުކުރުކޮއްލަމެވެ. ބަދަލުގައި ޔަހޫދީން އެންމެ ފަހުގެ ޒަމާނީ ހަތިޔާރާއެކު އަހަރެމެނަށް ރައްދު ދެނިއްޔޭ ކިޔާފައި އެތައް އާއްމުނެއް ޝަހީދުކޮއްލައެވެ. ނަމަވެސް ހިތްވަރުގަދަ އާއްމުން ވަކި ދުލެއްނުދެއެވެ. މިއަދު އަހަރުމެން ފަހު ނޭވަޔާޖެހެންދެން ހަނގުރާމަކުރާނަމެވެ.
އަހަރެންނަކީ އައްބާސްއެވެ. އަހަރެންނަކީ އިރާގުގެ މިނިވަންކަމަށް ހަނގުރާމަކުރާ ލަޝްކަރެއްގެ ކޮމާންޑަރެވެ. އަހަރެންގެ ގައުމަށް އެމެރިކާ މީހުން އަރައިގަތީ ނިއުކްލިއަރ ހަތިޔާރު އެބަހުއްޓޭ ކިޔާފައެވެ. ފުރުތަމަ ފޮނުވީ ޔޫއެން ކިޔުނު ތަނުގެ ވަފުދެކެވެ. އެއިރު އަހަރެންނަކީ ސައްދާމް ހުސެއިންގެ ބޮޑީގާޑްއެކެވެ. އެބައި މީހުން ބުނިހާތަނެއް ދައްކާލުމަށް އަހަރެންނާވަނީ ހަވާލުކުރެވިފައެވެ. މި ވަފުދު ގޮވައިގެން އެތަން މިތަނަށް ގެންގޮސް ދެއްކުމުންވެސް އެމީހުން އެބުނާފަދަ ހަތިޔާރެއް ނުފެނުނެވެ. ކޮންމެއަކަސް މިބުނާ ވަފުދު ފުރިތާ ގިނަދުވަސްތަކެއްނުވެ މުޅި ގައުމު އެލާޓްއަށްއައެވެ. އެކި ދިމަ ދިމާލުގައި ބަރު ހަތިޔާރު އެތުރިއްޖެއެވެ. އެމެރިކާ މީހުން އަހަރެންގެ ގައުމަށް އަރައިގަނެ ގެތަކާ އެއްޗެހި ސުންނާފަތި ކޮއްލިއެވެ. ރީތިކޮއްހުރި ހުރިހާ އިމާރާތަކަށް ބޮންއަޅާ ބަލައިލަން ނުކެރޭވަރު ކޮއްލިއެވެ. މިހާރު އިރާގަށް އިިރުއަރާ އޮއްސޭއިރު މުޅި ގައުމު އޮންނަނީ ހިރަފުސްގަނޑެއްތެރޭގައެވެ. މިހާ ފަސޭހައިން އަހަރެންގެ ގައުމު ހިފުނީވެސް ސައްދާމުގެ ސިފައިންގެ ތެރެއިން ބަޔަކު އޭނާއަށް ބޭވަފާތެރިވެ ހުޅަނގުގެ ފައިސާއަށް ދަހިވެތިވުމުންނެވެ. އިރާގަށް މިނިވަންކަން ދޭން އެރިއްޔޭ ކިޔައިގެން އެމެރިކާ މީހުން އިރާގުގެ މުޅި އިގްތިސާދް ހަލާކުކޮއްލިއެވެ. ތެޔޮވަޅުތަކުގައި ހުޅުޖެހިއެވެ. ހަޒާނާތައް ވަގަށްނެގިއެވެ. މުޅި އިރާގު މިހާރުވަނީ ކޯޅުމެއްތެރޭގައެވެ. މިއަދު އަހަރެން ހަނގުރާމަ މި ކުރަނީ ސައްދާމްއަށް ބޭވަފާތެރިވި މީހުން ހޯދާށެވެ އަދި އެމެރިކާ މީހުން އަހަރެންގެ ގައުމުން ފައްސާލާށެވެ.
އަހަރެންނަކީ މަހްމޫދެވެ. ސީރިޔާގެ މިނިވަން ހަނގުރާމަވެރި ޖަމާއަތެއްގެ ކޮމާންޑަރެވެ. ޑިމޮކްރެސީއޭ ކިޔުނު ކުފުރު ވިލާގަނޑު އަހަރެންގެ ރަށަށް އައިސް ވެރިވެގަނެ މީހުން ބައިބައިކޮއް ހަނގުރާމަތައް ފަށައިގަތެވެ. މުސްލިމުން އެކަކު އަނެކަކު މަރަނީއެވެ. ބައްޝާރުގެ އަނިޔާވެރި ސިފައިން އޭގެ ފައިދާނަގައި ހިޒްބުﷲ ގެ ހަނގުރާމަވެރި ޖަމާއަތުގެ މަދަދު ހޯދިއެވެ. ބައްޝާރުގެ އަނިޔާވެރި ސިފައިން އަތުވި މީހަކު ގިނަފަހަރު މިދުނިޔެއަކު ނުބަހައްޓައެވެ. ބައެއް ސިފައިން ބައްޝާރަކީ ކަލެއްކަމަށް ދެކިގެން އުޅެއެވެ. ކުޑަކުއްޖެއް އަންހެނަކަށްނުބަލައެވެ. ފަހުގެ ޒަމާނީ ހަތިޔާރާއެކު ނުކުމެ ގޭހުގެ ހަމަލާތައްދީ އެތައް ބަޔަކު މިދަނީ މަރަމުންނެވެ. މުސްލިމް މުޖާހިދުން ބައިބައި ކޮއްލުމަށް ހުޅަނގުގެ ފައުޖުތައްވެސްވަނީ ބައްޝާރުއާގުޅިފައެވެ. މިހާރު ސީރިޔާތެރޭ ރަޝިޔާވެސް ހަރަކާތްތެރިވެއެވެ. ނަމަވެސް އަހަރުމެން ފަހަތަކަށް ނުޖެހޭނަމެވެ. ފުރާނަ ހުރިހާ ދުވަހު ރައްޔިތުން ދިފާއުކުރާނަމެވެ.
އަހަރެންނަކީ ޔަޒާދްއެވެ. އަފްއާނިސްތާންގެ މިނިވަން ހަނގުރާމަމަތީ ފައުޖެއްގެ ކޮމާންޑަރެވެ. އަހަރެންގެ ގައުމަށް އެމެރިކާ ސިފައިން އަރައިގަތީ ޓެރަރިސްޓުން މަރާ ހުސްކުރާށޭކިޔާފައެވެ. ބިންލާދިންއޭ ކިޔުނު މީހަކު ހޯދާށޭ ކިޔާފައި ގޭގޭގައި ކުދިން ރޭގަނޑު ނިދާފައި ތިބޭގަޑީ ދޮރު ވައްޓާލާފައި އެބަވަދެއެވެ. އެކުދިންގެ ބައްޕަ ނުވަތަ ބޭބެ މަރާލުމަށްފަހު އަވަހަށް ނުކުމެގެންދެއެވެ. ޒަމާނީ އަގުބޮޑެތި ހަތިޔާރާއެކު އައިސް ބޮންވެސް މި އަޅަނީ ފަރުބަދަ މަތީ ޖަހާފައި ހުންނަ ކުދި ކުދި ފޭލިގެތަކަށްށެވެ. ހިނި ނައިޔާ ދެރަހެއްޔެވެ. ހޮހޮޅަ ތަކުގައި ފިލާތިބެ އަހަރުމެން މިބައިގަނޑާ ކުރިމަތިލަނީ ފަރުބަދަތައްމަތިންނެވެ. ގިނަފަހަރު ނޭރުނީމަ ބޮންއަޅާފައި ދެއެވެ. އަނެއްދުވަހު ކޮންމެސް އަވަށަކަށްވަދެ ރައްޔިތުން ހައްދަން މަސައްކަތްކުރަނިކޮއް އެކަން ނާކާމިޔާބުކުރަނީ އަހަރެންގެ މީހުންނެވެ. ކޮންމެޔަކަސް އެބުނާ ބިންލާދިންއެއްވެސް މަރާލި ހަބަރު އަހަރެންނަށް ލިބުނެވެ. މަގުސަދު ހާސިލްވުމުންވެސް މިބައިގަނޑު ނުފައިބާ ގޮނޑިކޮއްކޮއް ސަރުކާރެއް ގާއިމްކުރިއެވެ. މިއަދު އަހަރުމެން މިދަނީ މިބުނާ ގޮނޑިކޮއްކޮއް ސަރުކާރާ އެމެރިކާ ސިފައިންނާ ހަނގުރާމަކުރަމުންނެވެ. ކާފިރުންނަށް އެއްވެސް ދުލެއް ފުރާނަހުރިހާހިނދަކު ނުދޭނަމެވެ.
މިއަދު މި ގެނެސްދިނީ ހިތްވަރުގަދަ ހަތަރު ބޭފުޅެއްގެ ވާހަކައެވެ. މުސްލިމް ލީޑަރުުން ކޮބާތޯއެވެ. މިއަދު އިޒްރޭލަށް ރޮކެޓެއް ވެއްޓުނަސް ހުޅަނގު މީޑިޔާ އެކަން ބޮޑުކުރާނެއެވެ. ހުޅަނގު މީޑިއާގައި މުސްލިމުންނަކީ ޓެރަރިސްޓުންނެވެ. ޑިމޮކްރެސީއޭ ކިޔުނު ކުފުރު ވިސްނުންދަނީ މުސްލިމް ގައުމުތައް ހަލާކުކޮއް ބައިބައި ކުރަމުންނެވެ. އިންސާނި ހައްގަށް ވަކާލާތުކުރާ ޔޫ އެން އަކީ އެއްވެސް ކަމެއްވާ ބައެއްނޫންކަން މިއަދު އެނގެއެވެ. އެހީ ފޮނުވަނީއޭ ކިޔާފައި އެހީގެ ތެރެޔަށް ކްރިސްޓިއަން ދީންގެ ފޮތްތައް ލައިގެން ބަހައެވެ. ބައެއްފަހަރު ހާލުގައި ޖެހިފައިވާ މުސްލިމުންނަށް އެހެން ރަށަކަށް ވަންނަންވެސް ހުއްދަ މިދެނީ ކްރިސްޓިއަންއަކަށްވުމުންނެވެ. ގޮތެއްނެތިފައި ތިބި މަދު މުސްލިމުންކޮޅެއް މިއަދު އެގޮތްވެސް ހިޔާރުކުރިއެވެ. އެވާހަކަ ހުޅަނގު މީޑިއާއިން އުފަލާއެކު ފެތުރިއެވެ. މިއަދު މުސްލިމް ލީޑަރުންނަކީ ދުނިޔޭގެ ލައްޒަތާ އަރާމަށް ގެއްލިފައިވާ ބައެކެވެ. އެ ލީޑަރުން މިއަދު އެއްބައިވާނަމަ ދުނިޔެ އޮންނާނީ ސުލްހަކޮއްކަން ޔަގީނެވެ. މިއަދުގެ ދުނިޔޭގެ މުސްލިމް ލީޑަރުންނަށްވުރެ މުސްލިމުން ދިފާއުކުރުމަށް ދުނިޔޭގެ ލައްޒަތާ އަރާމް ދޫކޮއް ނުކުމެ ތިބި މީހުންނަކީ ދުނިޔެއާ އާޙިރަތުގައިވެސް ކާމިޔާބު ހޯދާނެ ބައެއްކަން ޔަގީނެވެ.
No comments:
Post a Comment